「左」與「右」

近來我都開始去重新欣賞朱凱廸。
佢o係六四晚會發言講既其實都係佢一直做既事,就係o係社區生活實踐自主自決。
其實好多地區議題都值得做,hit到香港人生活。
首先從生活上帶動香港人自主自決,然後佢地會更易明白更高層次既自主自決。
 
梁天琦比較focus o係政治制度之上,追求香港人政治制度上的自主自決。(Top down approach)
而朱凱廸做既生活自主自決,係逆向出法,由生活出發。(bottom up approach)。
o係好多人眼中,朱凱廸係左膠,而梁天琦係本土法西斯。
但我睇到依兩個人做既野係一體兩面,係圍繞香港自主自決既路上殊途同歸。
 
睇下社民人力,又睇下本土熱城普雙黃一陳。
我認同朋友所言,香港社運問題,係實在太多人混水摸魚,實在太多垃圾令真正問題out focus。
講真正既道德﹑勇氣﹑智慧﹑背負,有識之士有幾多?
(梁天琦是本土派中我比較欣賞的人,其一是其通透的觀點,其二是其氣量。)
香港地,你追求民主自由,你可以認同或忍耐左膠或本土,但不一定要成為兩者信徒,更不一定需要切割所有。
 
我認同,香港左右兩班人是應該分裂各自攪自己agenda的。
所以近年尤其雨傘之後的左右派系分歧,我覺得是一件好事。
但對目前香港,有一件事很重要但很無望,就是找到左右兩邊的契合點/面/體。
「左」與「右」實在不需要成為同一件事,不需要包容彼此的垃圾。
但在某件事情或議題上,應找到共同合作對抗中共的基礎。
既分開發展,亦能有合流抗共空間,能作如此形態,才是抗共上策。

Leave a Reply

Your email address will not be published.