生活隨想

香港地,出人頭地好像很重要。
因為那代表生活所有,代表選擇,代表人生的意義。
做專業﹑有錢,才不致生活窮困,成為廢青﹑廢中﹑廢老。

但我自己不太喜歡這樣的社會期望。
一個社會,人人都想努力向上爬,是否代表這個社會根本沒好好去take care那些爬不上的人?否則為什麼人人都那麼怕成為爬不上的人?

「富足社會」,文明只體現於「爬得上」那一面,然而「爬不上」那一面,正正就是吃人社會。現代社會,罪惡都藏在合法合情合理的制度剝削裡。

我並非擁抱共產主義。
只是折衷地,我覺得即使在資本主義社會下,只要社會期望裡有著追求公義的價值觀,社會是有能力去協商出一個更好的環境,去令貧者生活好一點

, 但當下的香港,不可能存有當中的基礎,不是講依d的時候。

15 thoughts on “生活隨想

  1. 哦,網上咁多年嘅術數論壇都未見過一個識算嘅,你有冇上過呢d論壇睇下,你又覺得你個老師教成點呀?

  2. 我冇跟其他人學過呀,都冇乜點上論壇同人討論過,所以都比較唔到。
    我跟我老師學自己覺得都OK,理論果d佢跟返王亭之D notes教,同埋平時會成日拎佢睇過果d實例盤黎教。

  3. 哦,我都見你有王亭之嘅野,同埋你個起盤有簡單解釋下粒主星嘅性質之類,我唔知你仲有冇其他嘢冇講到出嚟啦,但係以咁嘅睇法係未算係算到命架 。

  4. 同埋你個起盤程式,天地人盤搞錯左,首先天地人盤唔係成日須要用,根本好少人要用,第二,一個時辰兩個鐘,只係頭15分鐘同尾15分鐘起唔同盤,中間果90分鐘起天盤,而唔係分別兩個鐘嘅頭尾15分鐘。
    不過總之喺同一時辰出生嘅都起天盤就得架啦,到真係算來算去算唔到喎,咁先試下係咪要用地盤人盤算。

  5. “我唔知你仲有冇其他嘢冇講到出嚟啦,但係以咁嘅睇法係未算係算到命架 。”

    係呀,個網未寫好晒架。成個web/program都係我自己去寫,所以d特質格局果d checking同註解我都要逐樣寫落d code度,好多我都未有時間寫到出黎住。

    天盤人盤果度我遲d check check睇下係咪需要改返。

    in pratical,其實我地平時定盤都不會信出世時間就係真正果個盤既時間。(好似係叫”胎元”?)
    我老師係教我地睇多d出世時間附近其他盤,用往事驗證,用最貼近過去人生大事果個盤為準去推測。
    所以搵盤有時都搵好耐。
    有D case出世時間附近D盤冇一個盤係驗證得到match往事,果D case我地有時都搵唔到盤。

  6. 當然D人比嘅出生時間有誤就常發生,呢個係人為錯誤,唔係大問題,搵番啱嘅就得,但你講到胎元就行錯方向啦,好多時D人算唔到就話出生時間有問題,有冇第一時間諗下其實係自己對紫微斗數認識有限,唔好咁易就賴個時辰錯,對自己要要求嚴格D,至於過去大事,咩叫大,何謂細,家人死係咪大事,但一個同你相處疏離,但係係同胞兄弟嘅死對你嚟講算唔算大事,佢嘅喪禮過後幾個月你都無左呢件事。

  7. 有時如果fix一個時間去睇,果d主星係得果兩三粒,但有時有d強星/純星外表差好遠唔match (e.g: 七殺vs天同,依d星既外表差好遠),我老師幾強調命宮主星外貌要相乎的。
    有時都好難challenge對方出世時間岩唔岩,對方問完呀媽都係咁講。

    對盤果時父母過身﹑大病﹑移民﹑結婚﹑離婚﹑賭贏好多錢……之類果d如果有發生都會去對返。
    當事人講得出幾多事,就去對返幾多事。

  8. 不如我試下舉例,紫微星咁,一般都會講,有主見,做領導,話得事,要面子。
    好啦,咁見個人紫微坐事業宮,咁你就話喂你應該做管理層,一係就老闆,最少都做野有獨立性,佢話係呀我做經理,咁你就以為準啦算得,好多人都做到咁,就以為算完,一味就經理前經理後就一世,有冇諗下阿經理嘅辛酸,做經理唔會同下屬食飯,點解呢,因為你係經理喎,埋單aa制點似樣呀,梗係經理比啦,經理覺得咁所以自己食好過,咁同下屬就有距離,孤君咪咁囉,再例如另一個紫微事業,佢讀書讀到博士碩士咁,好野啦,點知唔好運時去見工,阿先生你咁高學歷first晒hon又盛,我地公司仔請唔起咁勁架,轉頭請左個學歷低過阿博士嘅,紫微星的辛酸。以上舉例可以舉多好多其他例。當然我打字打得慢,can’t express my view very well .

  9. 不如我試下舉例,紫微星咁,一般都會講,有主見,做領導,話得事,要面子。
    好啦,咁見個人紫微坐事業宮,咁你就話喂你應該做管理層,一係就老闆,最少都做野有獨立性,佢話係呀我做經理,咁你就以為準啦算得,好多人都做到咁,就以為算完,一味就經理前經理後就一世,有冇諗下阿經理嘅辛酸,做經理唔會同下屬食飯,點解呢,因為你係經理喎,埋單aa制點似樣呀,梗係經理比啦,經理覺得咁所以自己食好過,咁同下屬就有距離,孤君咪咁囉,再例如另一個紫微事業,佢讀書讀到博士碩士咁,好野啦,點知唔好運時去見工,阿先生你咁高學歷first晒hon又盛,我地公司仔請唔起咁勁架,轉頭請左個學歷低過阿博士嘅,紫微星的辛酸。以上舉例可以舉多好多其他例。當然我打字打得慢,can’t express my view very well .

  10. 吉凶年份又豈止當年有效,流年凶年,做事可以得心應手,舉例,做sales嘅,跑數,今年跑到條數好高呀,正啦卦,點解會係凶年嘅,今年條數好,出年老細set高個target,要高過舊年10%先有bonus出,撞啱出年經濟唔好生意唔好各樣因素,條數做唔到舊年咁高,咪冇bonus,人工小過舊年,咁今年嘅凶,要避嘅方法係唔好跑到咁高條數先係上策。

  11. 嗯~都會睇埋四化﹑細星﹑會照﹑十年﹑流年各種因素,同埋都會睇當事人既事既特質的。

    你講吉兇年份果個問題,會唔會o係盤度睇到?例如十年化忌流年化祿之類?

  12. 當然係喺盤入面睇啦,要留意嘅係每粒主星本質係點,佢會以咩形式嚟克應一件事,唔係每粒星都咁克應法,上面嘅sales例係巨門嘅克應形式。又十年大運,唔係淨係睇十年入面嘅邊一年,而係以十年入面總體發生出嚟嘅事,即係十年入面係有幾年加埋發生一件事,你就咁睇邊一個單一流年係冇用嘅。

Leave a Reply

Your email address will not be published.