早幾個月上左Coach Fui個射波訓練班

[籃球]
早幾個月我上左Coach Fui個射波訓練班。

Coach Fui佢個射波form好似佢既片講解咁,每一個細節位其實都係有一d原因去backup個form。
所以佢個form係好viable,而佢本人係好穩定既射手(佢以前係甲一得分王/3分王)。
但我覺得佢個form係有少少偏鋒,大部份人都難以掌握,所以其實唔係人人適合(包括我就唔係好適合)。
實際上,對任何人來說,最好的form,一定係自己不斷摸索不過的form,實驗驗證theory backup,最後compile成最適合自己身體感覺的form。

上佢個射波班,我最大既得著反而唔係佢教既Form,而係一d概念inspire到我。

1) Coach Fui 成日話「射3分其實唔駛用力。」
你睇佢d片,又的確佢射波好似唔駛用力咁但個波又高又遠又準。
我聽佢講依句,睇佢射,再反思,其實好shocking。
係,其實點解我冇諗過3分其實唔駛用力?
當我有左「射3分其實唔駛用力」既想像,我望住個框,我發覺其實「距離感」變近左。
然後有時我係可以唔駛「出盡力」咁樣都可以射到個波出去。
但,依種想像/距離感,我係要自己一個人落球場靜靜地/慢慢地射波射一段時間,然後先可以間中catch到。

2) 具體去講物理現像就係,我以往只著重用力。
一來用錯地方發力(以前我用手指射波),上完Coach Fui堂之後佢指點過之後我先明,手掌射波係好過手指射波(fade away除外)。
二來我對用力的方法有誤,以為「快」就是「大力」,但這是錯的。
所謂「快」,我以前身體理解是出手快。
但問題是太快離手,我手臂的力都未用盡,手腕就已用盡所有力將波離手,而大部份的力都用在chok旋而非波的投射軌跡。
更甚的是,手腕chok旋的力其實某程度上反而是抵消了身體其他地方的力。

而上完他的堂後,我反思時開始理解到用力「快」「慢」的節奏問題。
用少一點手腕力,用「慢」一點的手腕節奏,match返手臂節奏,借多一點手臂力。
遲一點時間離手,但像槍的長槍管,有多一點距離時間加速,投射力度會大得多。
(當然,射遠距離既話,借腳力其實都好重要)

但其實最後Coach Fui有講一樣野,用最少的動作去射波,其實反而可能更有力。
其實道理同「寸勁」應該差唔多。
只要節奏match,然後整體變「快」,動作可以縮短,就真的可以做到「快」就是「大力」。(理論就係咁解,實際就要練)

3) Coach Fui 其實係教人用晒左手+右手一齊推波。(但當然有技巧)
依個想法係打破晒我以前打波既概念。
但如果有睇佢D片,其實佢有解釋得好詳細,係好Valid點樣做同點解。
簡單講就係: 左手主控方向,右手主控推力。(一般人係單手純用右手發力+控方向)

我自己體感係,用埋左手,係會準D同大力D,但係技巧同以前果種做法係好唔同既手感。

———————————————————————————

after all, 我係冇直接照單全收Coach Fui既form。
但我參考左佢既一d概念去糾正左幾個自己既問題去build左自己一個form:

1) coach fui針對「落腕」既問題,佢既Solution係,渣波唔好正手扭曲手腕渣,而係雙手渣側少少。(好難形容,有睇佢射波片就會明)
但佢唔係企到個人好側,而我係慣用比較側身(~30度)射波,我覺得咁樣射波體感比較穩定。
因為側身時,身體重心軌跡﹑身體發力軌跡﹑投射軌跡,係成一直線,基本上所有軌跡都近乎只有向上及向前的方向,而不會有左右的方向。
射波form的所謂穩定,說穿了其實就是軌跡方向的問題。越少偏左偏右的方向,就越穩定。

2) 用手掌instead of手指射波。
用食指﹑中指﹑無名指,三指齊發,但主要都要手掌>>手指,手指是收尾順勢。(但我始終係慣性,仍然係用好大指力落旋)
但控方向的其實有一半係用左手。

———————————————————————————

早排我試過拋開原本既概念,用Coach Fui方法練過一排(會break晒d手感),但發覺唔順手攪唔掂 。
之後手法﹑手感都一直很confuse。
因為我知道以前個form係有問題,我係唔會走回頭路,但未build到新form。
用了好一段時間,間中星期六去球場射波去慢慢摸索點樣build個form。
直到最近幾星期,我用了很多時間自己去球場射波(尤其是護照過期去唔到日本,頭幾日未落大雨時我去左球場射波),好似開始搵到岩我自己射得舒服穩定既form。
但只係有理論有form,仍然是需要專注力才能execute到,而未能做到肌肉記憶,需要練習。

Leave a Reply

Your email address will not be published.