我的港人自決理念

我個人立場是認為應破除香港與中國的主權關係,破除大中華主義。
對中港關係,只需視為權力﹑外交關係。

但以上立場不一定只指向「獨立」。
無論獨立﹑歸英﹑聯邦,也是我樂見其成的出路,一切只視乎邊條路易行。
要留意一下,「港獨」與「本土」並不是同等的。
歸英﹑聯邦這些option,即使並非港獨,但卻是不同形式的本土agenda。

在目前,無論是獨立﹑歸英﹑聯邦,首要要做的都是提升港人自主自決意識。
所以短期內,未必應focus精力於統獨之分(在這點上我不認同民族黨),而是向香港人教育﹑宣傳﹑解釋「港人意識」﹑「自決意志」。

將來最終,我固然希望港人會自決走向與我立場相近的願景,例如上述的獨立﹑歸英﹑聯邦。
但如果最終人們豬到極,我尊重搭沉船,仍會繼續身土不二去推動我相信的理念。

公不公投,其實也只是最終得到大部份民意之後,最後叫糊的行動。
公投有什麼option倒是其次,公投之前你做到民意﹑做到時勢﹑做到timing,這才是重點。

最終香港會行到的會是獨立﹑歸英﹑聯邦還是其他?
我不知道,我只能憑理念﹑common sense﹑初心,見步行步。

2016看未來泛主派大局觀

我跟朋友說,直選1/2,關鍵三分一,其實並不是最重要,那只是一個很短視的大局。
之前都說過,拉布會被反制,是短期內會發生的事,然後泛民主派下一步可以點?
派民主泛未來走向,我一早說過一個重點:願景。

泛民只是一直在叫人含淚﹑守住直選1/2,關鍵三分一,只是看現在,而沒有提出任何願景。
反之,左翼(e.g:陣列﹑眾志…),提出了自決。
本民前+青年新政(ALL In HK聯盟),提出了自決。
熱普城,提出五區公投,全民制憲。

願景,有時可能只是一個空泛的信念,只有大概方向,見步行步。
相比起可不可行,願景至少是展現出一種視野觀﹑姿態。

選民往往是短視的,而2016當下結果,泛民仍然有一定勢力,而泛自決/熱普城,也許勢力不會很大。
但2016-2020未來四年,香港會發生的事,會令更多比較關心時事的人看到議會淪落,泛民作用削弱至近乎無用的地步。
首先是這班比較關心社會時事的人的心態轉變,然後就會是他們伸延開去沒那麼留意時事的人的轉變。
方向﹑trend就是這樣走。
到2020年之前的時候,人們就會尋求提出新願景的政治論述﹑勢力。
最終,還是會走到我今時今日所提的:前途自決。

到時侯,陣列﹑眾志﹑本民前﹑青年新政﹑熱普城…還是否存在?我不知道,消失了哪個我也不會覺得奇怪或難以接受。
方向﹑trend就是這樣走,那個位置一定會有人/組織去補上。

泛民主派變革

船運業行情不樂觀,各種環境因素不樂觀,我公司都蝕緊錢。
船運業既大公司大可食老本,很穩陣,但無法面對環境轉變,長遠慢慢被淘汰。
我公司(及一些其他公司)提出IT digitalization變革,叫做有一個宏觀視野願景。
其實幾慶幸,因為這世界很多人都很短視,看不到願景﹑視野,寧願慢慢被淘汰,都不願去搏一鋪。

你看看香港人﹑泛民就明白,根本是同一個問題。
當中不乏高學識﹑理論知識的精英中產,但有話事權就是欠缺宏觀視野﹑與時代脫節的人。
泛民多年內在不變革,最後外在環境自然而生就出現了本土﹑自決派。
待到2016年,香港泛民主派,風高雨急時正正要面對很多變革過程的問題。

之前老闆share俾我地睇果篇講「Two speed」的文章,帶出新舊並行協調的重點,
其實反過來可以apply到香港泛民主派問題上。
但當然,困難比較大。
因為一間公司有領導人,但香港泛民主派群龍無首。

點都好,坐埋同一條船,我冇外國護照,未來既事我都係同所有香港人一齊面對。

黃琛喻

黃琛喻係新東,我雖然冇見過佢,但大概知佢既理念。
佢係一個素人,而有d人都好buy佢。假如將來有日,當黃琛喻發覺一個人力量唔夠,而需要聯盟﹑組織去一齊推動理念。
之後佢下次去選,可能已背上一個政治組織/勢力既名號。
然後,當對其他人有威脅,就可能會有人質疑佢錢從何來﹑係咪收中共錢﹑界票﹑係鬼……點解2016今屆冇人話佢依D,係因為佢係有素人光環,而且佢威脅唔大,泛民/本土/建制都冇乜人插佢露底。講到依度,你會唔會以為我唔buy佢?
錯,我係好buy佢理念的,我認同軟性sell港獨﹑法理港獨﹑本土﹑自決……理念上很相近。
而暫時觀察,我都信依個人既。我想講既係,好多人慣左素人光環,亦慣左「收中共錢」﹑「係鬼」果d牛鬼蛇神野。
今日黃琛喻係小清新,希望今日大家記住呢份支持。
面對政權,一個人係做唔到D乜,行得出黎最後點都會發覺,一定要有聯盟﹑隊友的。
他日黃琛喻亦難保面對果d牛鬼蛇神野。

—————————————————————
新界東
議席數目:9席,法定門檻:11.1%編號     政黨     候選人     票數(百分比)     備註
1         獨立(專業動力)     方國珊
2         民主黨     林卓廷、劉慧卿、丁仕元、吳錦雄、羅英翔
3         無申報     廖添誠、姜炳耀、李維
4         香港復興會/熱血公民     陳云根、李珏熙
5         社民連/人民力量     梁國雄
6         工黨     張超雄、郭永健
7         公民黨     楊岳橋
8         民主思路     麥嘉晉
9         獨立民主派(法正網絡)     鄭家富
10         民建聯     葛珮帆、莊元苳、董健莉、陳博智、招文亮、李家良、溫啟明、羅棣萱、黃自勇
11         無申報     侯志強、王水生、彭宏健、葉華清
12         自由黨     李梓敬、田北俊
13         工聯會     鄧家彪、譚金蓮、曾勁聰
14         新民主同盟     范國威、任啟邦、梁里、鍾錦麟、陳惠達、李世鴻、周炫瑋、呂文光
15         無申報     陳玉娥
16         獨立     黃琛喻         於9月3日宣布停止一切選舉工程
17         正義聯盟     李偲嫣
18         人民力量     陳志全(慢必)
19         青年新政     梁頌恆、李東昇
20         獨立(北區水貨客關注組)     梁金成、邱文勁
21         新民黨/公民力量     容海恩、譚領律、梁家輝、陳敏娟、唐學良、葉志豪、廖子聰
22         民建聯/新界社團聯會     陳克勤、胡健民、姚銘、黃碧嬌、藍偉良、曾興隆、梅少峰、侯漢碩

2016立法會選舉,泛民選前棄保

傳統泛民﹑左翼事前冇協調而出咁多名單,到最後有人要棄選。
而實際上even係傳統泛民政黨想過票俾其他傳統泛民政黨,亦冇可能完全地過俾其他侯選人。
而且邊個過俾邊個,都仲未傾掂清清楚楚。
客觀情況下,依傳統泛民支持者/黃碧雲果類人logic,傳統泛民就係界票﹑事前冇諗到自己口中日日講既「大局」。
傳統泛民﹑左翼下次再講咩政治倫理﹑龍門﹑雙重標準
真係review下自己講咩先。
利申:我真心覺得傳統泛民棄選既做法冇問題,但佢地要面對返過去自己既質詢,面對返自己claim既「不顧全大局」既政治後果。

Facebook share d乜?

Facebook有圍爐algorithm,所以無論你用咩approach去講野,最後都只係會reach到好集中既群體。

雖然係咁,但我自己從來都覺得,我facebook講咩share咩,盡量都會諗點影響到人。
所以even可能冇人睇,我有時都會share d冇人睇既文(e.g:練老果d)。

有時有d擺明立場既content,如果我一話不說照share出黎,even我冇表達過一個字,但其實唔係冇present到一d message出黎。
我有d唔多了解政治既親戚﹑朋友,佢地會點吸收﹑佢地係咪有足夠認知﹑判斷力去獨立思考?我唔敢包。
我share依類content通常都會加d自己comment去導讀,而當中難免會有少少個人立場,例如:香港﹑民主﹑本土﹑抗爭etc。

無論我落唔落導讀comment,我覺得自己都微小地影響緊其他人﹑有緊interaction,我覺得我係有份責任去面對依件事而要去做好d。

當然,依個只係我個人睇法,其他人有言論自由。
我對facebook呢個platform係咁睇,但facebook對好多人黎講可能只係輕鬆social hup。

未來泛民主派走向:由社區/地區至上推動港人自決

當政府明目張膽DQ依d都做得出,
講真,我對泛民主派o係議會靠拉布﹑關鍵小數既前景唔太樂觀。

又,勇武抗爭o係現時警力遠大於抗爭者既形勢下,其實亦去到bottlenack難以實行。(但至少我不會對抗爭者割席)

我覺得未來泛民主派,其實o係無乜選擇之下,現時既野keep得就keep住做之餘,可能要轉向社區/地區工作。

「下層」工作:回歸社區﹑地區議題,推動民生自決,守護地區被制度剝削的價值。

「上層」工作:宣傳本土價值﹑港人自決前途。(compatible with港獨)

盡可能嘗試由「下層」行動帶動「上層」理念,上下連接。

In anyway & any 選舉結果,我個人會支持既理念,從來都唔係永續基本法/全民制憲,而係泛港人自決論。
而短期內,比較valid既手段應該係依附於基本法下既「法理港獨」。

「大局」Goodest logic

我個人並非熱普城支持者。

我只係唔明,當泛民支持者講「爭取最多非建制派入局,守住反對23條﹑反對修改議事規則,直選過半﹑三分一小數,一席不能少。」既同時,
佢地會唔會係寧願保譚得志,攬炒而俾謝偉俊入局;都唔會選擇棄譚得志而保大局投票立場上較傾向會投反對既黃洋達?

佢地口中所不斷講的「搬龍門」﹑「雙重標準」,話完人識唔識話自己?
er….又或者不如老老實實地承認「反雙黃/熱普城」priority係重要過「大局」吧?

咁又其實,泛民支持者either係「搬龍門」﹑「雙重標準」,又或者係「老實承認」,我都覺得冇所謂,但佢地下次講果時自己都反省下自己講緊乜。
一臉正氣地話人「搬龍門」﹑「雙重標準」﹑「不理大局」時,會不會慚愧?

利申:上面既logic係黎自泛民支持者。我個人唔認為「搬龍門」﹑「雙重標準」係絕對原則,顧不顧大局亦都係valid option的。
所以我係接受到泛民主派支持者「搬龍門」﹑「雙重標準」﹑「不顧大局」的。