關於新東補選講兩句

投楊/梁之影響

1) 勸退論之誤:楊梁非二元,不能排除方國珊
好多人淨係就咁二元咁睇楊岳橋同梁天琦(非楊即梁)實在太簡單。
會投楊岳橋既選民既認知入面,光譜上楊岳橋同方國珊既距離係會比梁天琦近。(同為較溫和光譜)
如果楊岳橋退,d票有部份會去左方國珊而多過去左俾梁天琦。

反之,梁天琦既票係hardcore票多,好難會去到方國珊度,但基於部份人會含淚,所以會有少部份去到楊岳橋,而又有部份變成白票。
所以如果從勸退論而言,勸退梁天琦係較make sense,而勸退楊岳橋係唔make sense。

2) 今屆立法會影響
今屆影響既係餘下任期內既關鍵否決權。
多一席泛民,就可以穩住關鍵否決權,反之就會冇左關鍵否決權。

3) 下屆立法會影響
有d人認為今次係簡單選一個議席。
但事實上,投票一直係一個民意指標。
今屆如果含淚投楊,下屆泛民一定會話:「上屆本土派冇票代表冇人支持,我有票代表有人支持,所以今屆你地繼續含淚吧」
今屆不投本民前,下次班中立派會評估覺得你係弱勢,下次咪繼續強化含淚投泛民既strategy。

-------------------

其他考量:

1) 關鍵否決權
現時政府+建制派vs泛民角力已浮面,戰場開始在立法以外進行。
關鍵否決權是否還是關鍵,是我所質疑的。
因為建制要郁香港﹑攪泛民,實在有太多方法可以做,關鍵否決權就變相不是那麼關鍵。

2) 攬炒之隱憂
棄梁天琦保楊岳橋strategy前提係
一) 梁既票有效過繼到俾楊
二) 過繼後,楊>周(民建聯)
但如果過繼後都楊<周,咁棄梁保楊根本冇意義。
而從輿論而言,我覺得梁既票能過繼俾楊係有限,所以唔好以為係含淚一定贏,其實就算含淚都係搏一鋪。

-------------------

個人意向:

楊梁攬炒機會甚大,是以我寧願各自表態投本土,以換取下屆對本土派之形勢評估。

(btw會投梁天琦既好多係呢種堅決既人,你點叫呢班人棄梁投楊?其實conversion rate真係會好低)

(利申,新東侯選人有劉志成﹑黃成智﹑周浩鼎﹑梁思豪﹑方國珊﹑梁天琦﹑楊岳橋)

Leave a Reply

Your email address will not be published.