今晚落左街場射波

忽然間想take個break,唔想翻工放工又翻工,所以今晚9點幾自己落街場射下波

射波依然係咁唔準sosad,之後同幾個後生仔鬥下波
我再一次有種感覺,自己真係老左,體能差左

其中一個隊友,好有活力,對手帶到去半場佢都追波,進攻又好有活力咁鏟
我望住佢,我再望下自己,我防守時冇做緊貼防守,只係用緩慢腳步用一米距離去防守
我進攻唔太aggresive,背籃慢慢進攻為主
唔係刻意保留體力,而係而家好難支持以前果種體力性打法
以前可以一場波後半段果4﹑5分連diu時都谷到盡去緊貼防守,又好aggresive咁去進攻﹑搶板
而家爆完幾分之後,會開始冇乜力去防守,攻又冇力攻

另一個改變左既係心態
以前既我會有種心態,只要我拎到波就入到波,只要隊友俾到波我就會贏,我係有少少唔make sense既自負
但而家會明白,自己一個去拎分,可能間中入到幾球高難度既波,但炒既會更多,體力會快o的見底,冇體力就好快玩完
下意識影響下唔敢去得太快,唔敢攻太多,唔敢鏟太多,就算o係高位都寧願背住對手hold住個波壓埋去感覺安全o的

 

熄左燈同個後生仔射下21分﹑射key傾下計
佢中三,就黎過英國讀書,打左幾年波(都射波準過我了sosad),襯就過英國所以呢排成日打波,平時打開夜晚,因為夜晚o的人勁o的,今日下晝4點幾已經開始打(打到11點幾)
佢話今晚先第一次o係呢個街場見我打波

係既…我而家已經好少落去打波
每日翻工放工個人其實已經都少少支力,我o係佢個年紀果時都可以一星期打5﹑6日波,而家唔得lu
而我亦知道,其實我唔係真係好鍾意籃球,不過我覺得穿針果下視覺效果幾好,果下既聲又幾好聽~haha
呢樣skill我train左好多年,可以打下做運動身體健康
而且有時唔想生活太過平板,打下波做下運動感覺上可以break一break調劑一下

Leave a Reply

Your email address will not be published.