風水命理研究:丙午丁未﹑中國命運﹑黃子華《跟住去邊度》

今晚小弟研究下風水命理,雖然學藝不精,但都儘量study﹑crit下。   首先是看了一篇蔣匡文(著名風水學家)寫的文章,文末預測2026年中國會國變。 其理由是2026-2027年是丙午、丁未年,有一本書《丙丁龜鑑》紀錄了由秦開始,逢丙午、丁未發生了甚麼事,中國每行這一年,都發生大事。上一次是66-67年(文化大革命),下一次就是2026年。   之後又看了另一篇文講丙午、丁未年。 這篇是crit丙午、丁未的。 “「今來古往,治日少而亂日多。」豈止是丙午、丁未年,哪一年都可能發生天災人禍,哪一年都可能死皇帝,哪一年都可能亡國。王士禛曾想再續明代三百年之《丙丁龜鑒》,大概沒有寫成。但我們知道,明亡在甲申年,清朝敗於日本在甲午年,清亡在辛亥年,都不是丙午、丁未這兩年。 ”   我自己wiki粗略地search過1486年到近代的丙午、丁未年,中國除了對上一次是文革,的確沒有發生過什麼大事。 1906-1907:溥儀去世﹑黄岡起義,算唔算大變﹑多災多難? 再對上幾百年wiki就查不到中國有什麼大事了。 所以我傾向相信「丙午、丁未中國逢大變」之說未有足夠說服力。   最後是看了一篇蘇民峰的文章。 蘇民峰用堪輿學角度分析,香港由2014年開始,只剩下10年地運。10年後,即2024年,香港的運氣將會停下來,面臨發展停滯的階段,情況就像歐美和日本一樣。 而由於香港與中國行同一地運,所以中國也將面臨相同狀況。 也大概指向202x年代中期中國會出問題。 是否可信就由閣下判斷了。 但蘇民峰指出香港由2016年至2021年將踏入經濟活躍期。 而教我斗數的老師則預測香港未來兩年經濟會很差。 兩個學說結論有異,我就食花生留名待觀察結果啦。   最後是想起黃子華。 黃子華棟篤笑的《跟住去邊度》。 他講中國人用來預測命運的術數多不勝數,為什麼? 想看他的解答可以看最底的link,很發人深省…… btw,中國是一個命運很難預測的民族。   […]

論社會熱潮之眾人皆醉我獨醒

但凡有一些社會熱潮,就會有班眾人皆醉我獨醒既人,說出諸如「咪又係抽水!笑完,社會有改變到嗎?」之類的說話。   冰桶如是,100毛如是。   早在早年幾前冰桶challenge之時我都寫過一篇文(*)去講過,從來對社會的真正踐行並不綑綁於你有沒有玩冰桶challenge,或者你有沒有睇100毛笑下。 對社會的真正踐行,是你在冰桶challenge以外﹑睇100毛以外,你做了什麼去回應。   問題從並不在那件爭議的事件之上,而是在爭議的事件而外。 * remark:論批評冰桶challenge﹑感恩接龍者的捉錯用神

論100毛爭議

你可以說100毛不夠深,但這是它的定位,在定位上它是成功的。在帶出社會問題上,它是亦僅是把問題輕輕帶出,但如不是以這種輕量化形式去包裝,它根本沒有市場,reach不到大眾audience。 把事情做到最深入最詳細不一定就是最好。 做一件事,要看你的goal是什麼,才決定到什麼是最好。這是package與marketing的問題。 做得比100毛深入的﹑認真的媒體其實很多,但他們不是100毛,100毛也不是他們,是不同的東西,對社會的benefit也不同。 ---------------- 其實自己做依行有時可能都是咁。 你做一樣野出黎。 group A既人嘈你「點解你個application版面show得咁少information,唔夠深入,我睇唔到內容囉。」 group B既人嘈你「點解你個application版面show咁多野,咁鬼亂我覺得好難用。」 係咪都俾人嘈,咁你就要諗返你自己做依舊野個定位,跟返果個方向去諗去做。

睇人

睇人(眼神)有時係會睇到一種忠奸既感覺。 但如果用依種感覺去判斷一個人,其實都會出事。 睇到奸既感覺果D人,通常95%係濕鳩。但睇到忠既感覺果D人,有部份都可能係仆街。 識既人之中有D人我覺得感覺係一副善良﹑真性情﹑冇乜心計既感覺,而的確依d係佢地既真我性格特質;但鑽起牛角尖上黎都可以O係一D事上面做到好仆街,會用好多犬儒藉口﹑奇怪邏輯,去合理化佢地自己既仆街。 我諗個問題係當一個善良﹑正氣既人既價值觀被扭曲,就可能會變成做出一d o係其他人眼中係仆街既事,但佢地覺得自己做既野係正確﹑合乎道德﹑善良。 我明白到,睇人唔可以淨係睇表面既忠奸。 我突然記起十年前有朋友同我講:「你以為依D係岩﹑依D係錯,咁係因為你係好人。但其他人唔係咁諗。」 你以為某個人係好人佢就唔會做仆街野﹑唔會害你,其實係少年你太年輕了.jpg,你將「好人」兩個字睇得太簡單﹑表面。 (頭盔mode,何謂對錯何謂正確價值觀並無絕對答案,我都可能係上面講緊既果D人,我唔會去resolve依個哲學問題。) 越大個越認識依個世界越睇更多人,越覺得人不可信。 心智水平低既人,易墮入思想陷阱,價值觀易被扭曲操縱,而且當思想loop死左你好難同依d人溝通。依d人不可信,否則遲早害死你。 立心不良既人,往往只係考慮點利用你。依D人更絕不可信。 心智水平正常又心地善良既人,依d係可以做朋友。然而你要明白,如果做「真心交」朋友就盡量唔好有利益衝突,因為當有利益關係,依d心智正常又善良既人都只係人,你唔可以肯定佢地會唔會有日為左利益出賣你。 唔好考驗人性去令自己傷心破財,除非你睇化晒,一早預左都要咁做。 最後係我自己既小總結: 睇到奸既小人就盡量避開啦;睇到忠既人係可以做下朋友,但唔好因為人地係好人就以為人地唔會做仆街野,防人之心不可無。 淡薄﹑萍水相逢﹑避免利益關係﹑要識得分d朋友係邊類朋友﹑保持安全距離,依個係我對大部份朋友既態度。